Vi purria parlà di 'ssu paese 
Luntanu di tuttu ma pocu impreme 
Paese abbandunatu l’inguernu 
Ma locu tant’amatu è cusì bellu 

Di a pieve ersincha si pò pensà 
Chì ci sò corsi chì campanu cum'è tandu 
Ma eiu vogliu dì chì l’affare hè compiu 
È chì l’avvene ùn pò esse chè scuru 

Per mè ghjovanu chì spera 
Pè u mio locu duve sò natu 
Vogliu dì à tutti quelli chì sò ghjunti 
Eiu ci seraghju pè u sempiternu 

Da a mo finestra si vede chè case chjose l’inguernu 
Ma l’estate ghjunghjenu una settimana 
Per parlà è per fà cagà 
I corsi chi campanu à l’annata

Chì ne seria di noi si ùn ci serà più Corsi 
Per difende ciò chè no simu è campà à l’usu anticu 
Chì ne seria d’Ersa si ùn ci serà più nimu 
Lu so pastore è lu so pescadore ? 

Per finisce lu mio lamentu è dilla franca 
Sì pò comprà case o altri affari 
Ma eiu seraghju sempre quì per parlà 
È per fà campà l’anima nustrale ! 

Antoine Angeli