Supranendu a Gravona è u so passaghju versu a Cinarca, U Castellu di Cozzi, fortezza appiccata nant’à u Monte Gozzi à 696m d’altitudine, ci ramenta ‘ssu pezzu di a nostra storia : quellu di li tempi di i signori !

Giovanni della Grossa ci conta cum’è Arrigu Cinarca, figliulinu d’Arrigu Bel Messer, s’hè fattu signore di ‘ssi loca. Morte in lu castellu, accampatu. Senza eredi, sò i Loretesi chì s’anu presu u Castellu, fendusi signori Cozzi.

In u filu di a nostra andatura di ‘sse spassighjate nant’à i passi di li nostri antenati, I Chjassi Cinarchesi, avemu fattu un giru per (ri)scopre ssu loca di u paese aiaccinu, in Appiettu

Ringraziemu Xavier Villat, archeologu è cunfarenzieru di u ghjornu, per ‘ssa stonda interessante assai, è u Laboratori Regiunale Archeologicu, chì ci permette di mantene viva a memoria di a nostra storia, arrichendula di u so travagliu di ricerca

Emu compiu ‘ssa ghjurnata in San Chirgu, cù un bellu spuntinu di roba nustrale, vinu, salciccia, casgiu, caffè è canistrelli !

Thomas Selvini