Naziunalisimu corsu : identitarii di pettu à prugressisti ?

13% è 29%. Po 58%. Sò i resultati d’Eric Zemmour è di Marine Le Pen in Corsica à u prima giru un mese fà. Po quellu di Marine Le Pen à u sicondu giru di pettu à Emmanuel Macron. 

Dipoi, tuttu ciò chì a Corsica conta di ghjurnalisti è d’analisti si pone sta legitima quistione : inde un’isula chì vota à quasgi 70% pè e liste naziunaliste corse à e territuriale di 2021, una leia ci serà cù u votu di 2022 à favore di ciò ch’omu chjama strema diritta ?

Ùn sò mancu l’ipotesi messe in avanti chì ci dirangianu. À u cuntrariu. Da un Andria Fazi chì ùn vede “nisuna corelazione” è chì ci lascia dubbitativi ma chì hà u meritu di pruponeci qualcosa à un Patrick Vinciguerra chì mintuveghja quantunque “les thématiques communes” trà elettori naziunalisti corsi è naziunalisti francesi cum’è quelle di u ricusu di l’immigrazione è di u sintimu d’esse rimpiazzati in casa soia, ogni analisi arrichisce u dibattitu è arruta a visione ch’omu si pò avè di a situazione. 

Invece, si pusiziuneghjanu [l’elettori naziunalisti] sopratuttu in funzione di tematiche naziunale cum’è l’immigrazione, u pudere di compra, a sicurità, l’identità, e tradizioni, a campagna, u dirittu di  caccighjà è tutte quante. 

Tralascemu, senza mancu fà usu di troppu dispettu, e ridicule cacciate di quelli ch’averianu à esse un pocu più aggalabati, detentori ch’elli  sò di l’arma ghjurnalistica, chì ripetenu d’articuli in articuli è d’emissioni in emissioni ‘ssu mantra pateticu : Incompréhensible. Schizophrénie collective. Comment demander à 68% l’autonomie aux territoriales et voter contre à 58% aux présidentielles (si puderebbe ancu dì 100% chì Macron ùn pare tantu apertu nantu à a quistione) ? Schisufrenia cullettiva o cecaghjine – vuluntaria – di i cummentadori ? 

Peccatu ch’ùn li sia mai venutu à l’edee à a nostra elita d’upinione chì forse l’elettori naziunalisti di e territoriale ùn votanu micca à e presidenziale per raportu à l’autonomia. Invece, si pusiziuneghjanu sopratuttu in funzione di tematiche naziunale cum’è l’immigrazione, u pudere di compra, a sicurità, l’identità, e tradizioni, a campagna, u dirittu di  caccighjà è tutte quante. 

A tradizione identitaria è cunservatrice participeghja di u naziunalisimu corsu dipoi u principiu. In 1923, Fernand Lombardi scrive inde A Muvra, u primu giurnale naziunalistu d’obedienza più chè reazziunaria : “Il comprenait [Mistral], le grand disparu, que l’amour de la langue une fois perdu, tout ce qui fait la fierté, l’originalité d’une race, la saveur de la vie, disparait : coutumes, costumes, croyances puis, à leur suite, amour du foyer et attachement au pays.” A tematica di a decadenza è di a sparizione da populu, cursore assai à diritta, struttureghja u naziunalisimu corsu inde ciò ch’ellu hà di più essenziale.

Puru, omu pò avanzà un fattu sicuru : i partiti naziunalisti corsi tutti hanu chjamatu à vutà candidati prugressisti, stabiliscendu a so scelta tactica unicamente nantu à i pusiziunamenti rilativi à a quistione di l’autonomia di a Corsica. L’autonomia, una fine in sè, un ogettivu più chè un arnese ? I Corsi avianu da vutà per un Mélenchon vicinu assai à e rete islamiste è apertu à tutte e pazzie woke ? O per un Jadot chì vole pruibisce a caccia è prumove u burkini ? ‘Ssi dui candidati riuniti sustenuti da tutti i capimachja autonomisti hanu fattu in Corsica un miseriu 15%. A Corsica hè a regione di Francia duve a manca hà fattu u so scoru u più bassu, a diritta naziunalista u so scoru u più altu. 

Palatinu prupone à i nostri analisti parigini di guardà i resultati eletturali di Le Pen à u sicondu giru in i lochi chì fermanu forse oghje i più corsi di Corsica tale chè Santa Maria Figaniella (80.8%), Arbellara (81.2%), Frassetu (72%), Guagnu (77.5%), Rosazia (84.9%), Centuri (71.7%), Fughjichja (72.2%), Luretu di Casinca (69.8%), Muracciole (84%), Soveria (80.7%). Hè una sintenza chjara. Ma chì corsu si pò stunà d’una tale situazione ? 

Di più, un studiu particularamente interessente furnituci da u Groupe d’Etudes Politiques cerca anch’ellu d’arrecà unepochi d’iputesi. Puru ci pare cumette un errore fundamentale. Adupra u vucabile “unioniste” è “nationaliste”, cum’è se i naziunalisti fussinu magiuritaramente separatisti, ci apparisce cum’è essendu una semantica più chè for di cuntestu quand’omu cunnosce a realità è sprezza assai a credibilità ch’o demu à ‘ssu studiu. Senza cuntà ch’omu cerca di ritruvacci un votu etnicu cuntinentale inde u votu Le Pen, sottusentendu chì u votu corsu serebbe à favore di Macron. Ùn ridite micca. Cumu perdesi in una tale confusione quand’omu sà chì, in Corsica cum’è in altrò, a prima ligna di lettura eletturale hè suciulogica ? A Corsica hè povera, sclassata, periferica, invechja è u so fondu culturale hè prufondamente cristianu è cunservadore cum’è ogni campagna. U solu votu etnicu, dimula, hè u votu musulmanu chì accresce largamente u risultatu di LFI. Pè u votu pinzutu in Corsica chì serebbe à favore di Le Pen, Palatinu prupone à i nostri analisti parigini di guardà i resultati eletturali di Le Pen à u sicondu giru in i lochi chì fermanu forse oghje i più corsi di Corsica tale chè Santa Maria Figaniella (80.8%), Arbellara (81.2%), Frassetu (72%), Guagnu (77.5%), Rosazia (84.9%), Centuri (71.7%), Fughjichja (72.2%), Luretu di Casinca (69.8%), Muracciole (84%), Soveria (80.7%). Hè una sintenza chjara. Ma chì corsu si pò stunà d’una tale situazione ? 

L’elite è i respunsevuli naziunalisti escenu in grande magiurità da a burghesia citatina è prugressista invece una maiò parte di i so elettori, simpatizanti è militanti sò di ‘ssu picculu populu, identitariu, cunservadore, trà periferia precaria cumunitarizata è mondu campagnolu abbandunatu.

Charlotte d’Ornelas palisava una realità nantu à Cnews ligata à ciò ch’o dimu avà, quandu ch’ella si facia rimarcà per bè in piena crisa dopu à l’assassiniu d’Yvan Colonna da un coditenutu islamistu cù un discorsu astutu è precisu nantu à a Corsica : L’elite è i respunsevuli naziunalisti escenu in grande magiurità da a burghesia citatina è prugressista invece una maiò parte di i so elettori, simpatizanti è militanti sò di ‘ssu picculu populu, identitariu, cunservadore, trà periferia precaria cumunitarizata è mondu campagnolu abbandunatu. Quellu chì vota naziunalistu à e territuriale menu per l’autonomia chè per difende a so identità minacciata da a crescita demugrafica massiccia è e rivendicazioni sucetale sceme. A stessa crescita demugrafica massicia è e stesse rivendicazioni sucetale sceme ch’ellu vole parà vutendu ciò ch’ellu vota à e presidenziale. L’eternu cunfrontu di l’Annu corsu prugressistu è di A Muvra identitaria mezu à u cursisimu ?  

U prublema ùn hè forse micca a realità, ma quellu ch’ùn a vole adimette.

Matteu Sambucucciu